धक्कादायक! करोनाग्रस्तांना दिलं जात होतं बनावट इंजेक्शन, रॅकेट उद्ध्वस्त

Hospitals in China Turn Away Other Patients Amid Coronavirus ...करोनावरील उपचारासाठी वापरण्यात येणारा टोसिलिझुमॅब इंजेक्शनच्या Tocilizumab racket bust नावानं बनावट इंजेक्शनचा पुरवठा केला जात असल्याचा धक्कादायक प्रकार उघडकीस आला आहे. गुजरातच्या गांधीनगरात अन्न व औषध प्रशासनानं कारवाई करून बनावट इंजेक्शनचा साठा पकडला आहे. या प्रकरणी पाच जणांना अटक करण्यात आली आहे.

करोनाविरोधात संपूर्ण देश लढा देत आहे. करोनाचा प्रादुर्भाव रोखण्यासाठी सरकार आणि प्रशासन युद्धपातळीवर प्रयत्न करत आहे. करोना रुग्णाचे प्राण वाचवण्यासाठी रुग्णालयांतील डॉक्टर, परिचारिका, आरोग्य सेवक जीवाची बाजी लावत आहेत. मात्र, गुन्हेगारी प्रवृत्तीची लोकं या संकटाच्या काळात गैरमार्गानं पैसा कमावण्यासाठी रुग्णांच्या जीवाशी खेळताना दिसत आहेत. करोनावरील उपचारासाठी आवश्यक असलेली औषधं आणि इंजेक्शनच्या नावाखाली बोगस इंजेक्शन विकले जात असल्याचं उघड झालं आहे. गुजरातच्या गांधीनगरमध्ये बोगस इंजेक्शनचा साठा पकडला आहे.

करोना रुग्णावरील उपचारासाठी वापरल्या जाणाऱ्या टोसिलिझुमॅब इंजेक्शनच्या नावानं बोगस इंजेक्शनचा पुरवठा करणाऱ्या रॅकेटचा भंडाफोड अन्न व औषध प्रशासनानं केला आहे. या प्रकरणी पथकानं कारवाई करून पाच जणांना अटक केली आहे. त्यांच्याकडील बोगस इंजेक्शनचा साठा जप्त केला आहे. या इंजेक्शनची अंदाजे किंमत ८ लाख रुपये असल्याचं सांगितलं जातं.

डॉक्टरांना आला संशय

अहमदाबादमधील डॉ. देवांग शाह यांना टोसिलिझुमॅब इंजेक्शनसंबंधी संशय आला. ते करोना रुग्णाला इंजेक्शन देत असताना हा संशय आला. त्यांनी रुग्णाच्या नातेवाइकांकडून मेडिकल स्टोअर्सची माहिती घेतली. या मेडिकल स्टोअरमधूनच ते इंजेक्शन आणण्यात आले होते. अधिक चौकशी केली असता, मेडिकल स्टोअरच्या मालकानं ते इंजेक्शन सूरतमधील सोहेल इस्माइल याच्याकडून घेतल्याचे समोर आले. अन्न औषध प्रशासनानं मिळालेल्या माहितीच्या आधारे इस्माइलच्या घरावर छापा टाकला. त्यावेळी या गोरखधंद्याचा खुलासा झाला. बोगस इंजेक्शनचा साठा जप्त केला असून, सोहेल इस्माइल, नीलेश लालीवाला, अक्षय शाह, हर्ष ठाकोर आणि आशिष शाह यांना अटक केली आहे.

Post a comment

0 Comments